Gwamnatin tarayya ta ce a ranar Alhamis sabon tsarin mafi ƙarancin albashi zai fara aiki daga ranar 1 ga Afrilu, 2024.

 Gwamnatin tarayya ta ce a ranar Alhamis sabon tsarin mafi ƙarancin albashi zai fara aiki daga ranar 1 ga Afrilu, 2024.

Ministan yaɗa labarai da wayar da kan jama’a na ƙasa, Idris Mohammed, wanda ya bayyana hakan a wata hira da ya yi da The PUNCH a Abuja, ya ce mafi ƙarancin albashi na N30,000 na yanzu zai ƙare ne a ƙarshen watan Maris din 2024.

Mohammed ya bayyana haka ne a ranar Alhamis a yayin nazarin kasafin kuɗi na shekarar 2024-2026 ya nuna cewa: "Gwamnatin Tarayya za ta kashe N24.66tn kan albashi a 2024, 2025, da 2026".

Bayan cire tallafin man fetur da shugaban ƙasa Bola Tinubu ya yi a ranar 29 ga watan Mayun 2023, gwamnatin tarayya ta amince ta biya kowane ma’aikacin ta Naira 35,000 domin rage tasirin cire tallafin.

Sai dai ƙungiyar ta Labour ta ɗage kan cewa kyautar N35,000 na albashin ma’aikata ne na wucin gadi, inda ta ƙara da cewa: "Ya kamata a sake duba mafi ƙarancin albashi a shekarar 2024".

Tawagar Gwamnatin Tarayya da Majalisar Tattaunawar Ma’aikata ta Ƙasa a ranar 18 ga watan Oktoba, 2019, sun amince da aiwatar da mafi ƙarancin albashi na N30,00 bayan shafe watanni ana tattaunawa.